أكبــــــــــــــــر قـ@ـــــــــــــــــر !!

صــــــــــح بــدنـــــــك..

الله لا يحرمني من مـروركـ.

صح لسانكـ

ولاتحرمناآآ من إبداعكـ

تقبل مروري

وديــــــــــ دلوعة نبض الجروح ـــــــــــــــــ

أكبر قهر لاصرت تعشقلك انسان=واللي تحبه ساهي ٍ ما درى بك

وأكبر قهر تحلم وتحلم لك ازمان=ويطيح حلمك ميت ٍ عند بابك

وأكبر قهر تبني بالاحلام بنيان=وسنين بنٌيك ما تعدى ترابك

وأكبر قهر تسقي من الورد بستان=وتموت بين يديك زهرة شبابك

وأكبر قهر تارد على البير ضميان=وتشوف بعض الطين حايس شرابك

وأكبر قهر لاحطوا الناس نيشان=كل ٍ يزٌهب وانت ضايع زهابك

وأكبر قهر ترهي على حصان خسران=يوم السبق لا طحت كل ٍ حكى بك

وأكبر قهر لاصرت ضايع وعطشان=ونفس الطريق اللي يوديك جابك

وأكبر قهر صاحبك لا جاك خوٌان=لابحت له بالسر راح ووشى بك

وأكبر قهر تعطي وتعطي علشان=تاخذ عقب كل العطايا حسابك

كل ما سبق ذكره على الشوف ما كان=حفنة حروف ٍ مع بعضها تشابك

ماهوب هرج ٍ يِعجَنْ بفم وللسان=ولاهوب عود ٍ يكسره حد نابك

إن كنت فيما قلت تحتاج برهان=ناظر وتلقى في قصيدي جوابك

وإن كنت فيما قلت مخطي وغلطان=أترك خطانا وأنت عطنا صوابك